தேர்தல்களும் இஸ்லாமிய இயக்கமும் - ஒரு ​ப்ளாஷ்பாக்

அஸ்ஸலாமு அலைக்கும் வ ரஹ்மத்துல்லாஹி வ பரக்கத்துஹு ....

தேர்தல்களும் இஸ்லாமிய இயக்கமும் - ஒரு  ​ப்ளாஷ்பாக்

 

(நான் அறிந்தவற்றை பகிர்கிறேன்; இதில் தவறுகள் இருக்குமேயானால் அல்லாஹ் பொறுத்துக்கொள்வானாக. சுட்டிக்காட்டும் போது பரிசீலித்து திருத்திக்கொள்கிறேன்...)

 

 

2006 சட்டமன்ற தேர்தல்!

 

 

2006 ஜனவரி மாதம் கும்பகோணத்தில் ததஜ இடஒதுக்கீடுக்கான போராட்டம் நடத்தியது. தொடர்ந்து, ஆளும் கட்சியான அதிமுக ஆணையம் அமைத்ததால்

2006 சட்டமன்ற தேர்தலில் அதிமுகவுக்கு ததஜ ஆதரவளித்தது!

அப்போது, ஜெயலலிதா கரசேவைக்கு ஆதரவானவரா, கரசேவைக்கு ஆள் அனுப்பினாரா இல்லையா, ஜெயா ஹிந்துத்துவா கொள்கையாலரா என்றெல்லாம் ஜெயாவும் பேசவே இல்லை! அவரை ஆதரித்த ததஜ வும் அவை எல்லாம் "பொய்யர்" கருணாநிதியின் இட்டுகட்டுதல்கள் என்றும் பேசவே இல்லை, அது ஒரு பொருட்டாகவே தெரியவில்லை!... "பம்பரமாய் சுழன்று சுழன்று" வேலை செய்தும் அதிமுக வெற்றிபெறவில்லை! திமுக ஆட்சி வந்தது!

 

 

தேர்தலுக்கு பின்னர்.......

 

 

திமுக ஜெயா அமைத்த ஆணையத்தை "கலைத்துவிட்டு" நீதிபதி ஜனார்த்தனம் தலைமையில் ஆணையம் அமைத்து அதன் பரிந்துரை படி முஸ்லிம்களுக்கு 3.5% இடஒதுக்கீடு வழங்கியது! ஆனால் இன்று ததஜ வினர் பலர் ஜெயா அமைத்த ஆணையத்தின் பரிந்துரையை தான் திமுக செயல்படுத்தியது என்று உண்மைக்கு புறம்பாக சொல்கின்றனர்! (அதிமுக ஆதரவு நிலைபாடு சமையத்தில் அவ்வாறு கூறினர், இப்போது மீண்டும் மாற்றியுள்ளனரா என்று தெரியவில்லை)

 

 

2011 சட்டமன்ற தேர்தல்!

 

 

முஸ்லிம்களுக்கு 2006 இல் அமைந்த திமுக அரசு தான் இட ஒதுக்கீடு அளித்தது என்பதற்காக 2011 தேர்தலில் ததஜ திமுகவுக்கு நன்றி விசுவாசம் காட்ட ஆதரவு அளித்தது. அதுவரை திமுக வில் இருந்த மமக அதிமுக அணியில் தாவியது, முஸ்லிம்களுக்கு இடஒதுக்கீடை அதிகப்படுத்தி தருவதாய் ஜெயா கூறியதால்...

திமுகவுக்கு ஆதரவு அளித்த் ததஜ அன்று வசதியாக மறந்தது - நம் உடன்பிறந்தவர்கள் கோவையில் துண்டாடப்பட்டபோது கைகட்டி வேடிக்கை பார்த்ததையும், குஜராத்தில் கொலைகாரன் மோடியின் கூலிப்படையினர் முஸ்லிம்களுக்கு எதிராக கோரதாண்டவம் ஆடியபோது மத்திய அரசில் பங்குபெற்றிருந்த திமுக கையாலாகத்தனத்தை வெளிப்படுத்தி பதவி ஆசையில் அமைதிகாத்தனர் என்பதனையும்....

"வழக்கம்போல" ததஜ "பம்பரமாய் சுழன்று சுழன்று" திமுகவுக்கு வேலை பார்த்தனர்! தேர்தலில் திமுக ஊத்திகிச்சு! அதிமுக அபார வெற்றியும் பெற்றது!!

 

 

தேர்தலுக்கு பின்னர்.......

 

 

2011 ல் ஆட்சிக்கு வந்தது முதல் இடஒதுக்கீடு அதிகரித்து அளிக்க முன்வந்தாரா ஜெயா??? இல்லவே இல்லை! மமக கோரிக்கை வைத்தது. மமக சட்டமன்ற உறுப்பினர் பேராசிரியர் ஜவாஹிருல்லாஹ் அவர்களது 14/06/2013 தேதியிட்ட இடஒதுக்கீடை அதிகரித்து தர வேண்டிய கோரிக்கை மனுவை அரசின் பிற்படுத்தப்பட்டோர் நலம் மற்றும் சிறுபான்மையினர் நலத்துறையின் (BC. MBC & MINORITIES WELFARE DEPARTMENT) ​துணை செயலாளர் (DEPUTY SECRETARY),

தமிழ்நாடு பிர்ப்படுத்தப்பட்டோர் ஆணையத்தின் (TAMILNADU BACKWARD CLASSES COMMISSION) உறுப்பினர் செயலருக்கு (MEMBER SECRETARY) அனுப்பப்பட்டுள்ளதாக அரசின் துணை செயலாளரே (DEPUTY SECRETARY), ஒப்புதல் கடிதம் (ACKNOWLEDGEMENT LETTER) கோரிக்கையாலருக்கு (REQUESTER - MMK LEADER) அளித்துள்ளார்! (பார்க்க: இந்த பதிவின் முதல் கருத்து படத்தை)

 

 

 

ஒரு கூட்டணி கட்சி சட்டமன்ற உறுப்பினரின் (MLA) கோரிக்கை மனுவை ஆணையத்துக்கு அனுப்புவது பரிசீலித்து (EXAMINE) பரிந்துரை (RECOMMENDATION) வழங்குவதற்க்காகவே அன்றி கிழித்து குப்பையில் போடுவதற்காக தான் என்று யாராவது நினைத்தாலோ, சொன்னாலோ, அவர்கள் ஒரு ஆணையத்தின் செயல்பாடுகளை அறியாதவர்காலகவே இருக்கமுடியும்!

ஆனால் ஆணையம் என்ன பரிந்துரை (RECOMMENDATION) அளித்தது என்று ஜெயா வெளிப்படுத்த் வில்லை! மாறாக, இஸ்லாமியர்களுக்கு இடஒதுக்கீட்டை அதிகப்படுத்தினால் மற்ற சமுதாயத்தவர்களும் கேட்ப்பார்கள் போன்ற வெத்து வாதங்களை வைத்து இஸ்லாமியர்களுக்கு துரோகம் இழைத்தார். அதனை சொல்லி மமக வும் கூட்டணியை விட்டு வெளியேறியது!

 

 

2014 நாடாளுமன்ற தேர்தல்!

 

 

இப்படி இருக்கவே... நாடாளுமன்ற தேர்தல் அறிவிக்கப்பட்டது! ததஜ சமுதாய நலனை கருத்தில் கொண்டு இடஒதுக்கீடை அதிகரித்து தரும் கோரிக்கையை முன்வைத்து ஜனவரி 28 அன்று சிறை நிரப்பும் போராட்டம் அறிவித்தது! இதற்கிடையில்.....மமக தான்தோன்றித்தனமாக அவர்களே கூறிக்கொண்டு திரிந்த "ஒற்றுமை கோஷத்தை" காற்றில் பறக்கவிட்டுவிட்டு தன்னிச்சையாக திமுக கூட்டணி நிலைப்பாடு எடுத்து முஸ்லிம்களுக்கு அதிர்ச்சியளித்தது! இயக்க வித்தியாசம் கட்சி பாகுபாடு இல்லாமல் ஒட்டுமொத்த சமுதாயமும் ததஜ போராட்டத்தில் பங்களித்தனர்!. எழுச்சிமிக்க போராட்டத்தின் போது "முஸ்லிம்களுக்கு இனி வாக்குறுதிகள் தேவை இல்லை, மாநில அரசோ. மத்திய அரசோ இடஒதுக்கீடு அளித்து ஆணை பிறப்பிக்கவேண்டும். இடஒதுக்கீடு தந்தால் அதிமுகவுக்கு ஓட்டு, இல்லையேல் வேட்டு! அதுபோல் இடஒதுக்கீடு தந்தால் தோற்கும் என்று தெரிந்தாலும் காங்கிரசுக்கு சமுதாயம் ஒட்டு அளிக்கும்!" என்றெல்லாம் வீராவசனம் பேசினார் ததஜ தலைவர்களும் தொண்டர்களும், (ததஜ வை நம்பிய என்னைபோன்ற) இயக்கம் சாரா சகோதரர்களும்! எழுச்சிமிகு போராட்டம் வீரத்துடன் நடந்தேறியது.....ஆணவம் கொண்ட ஆட்சியாளர்கள் கண்டுகொள்ளவே இல்லை முஸ்லிம்களின் வாழ்வாதார கோரிக்கையை!

 

தேர்தல் அறிவித்தபின்னர் இடஒதுக்கீடு அளிப்பது என்பது தேர்தல் விதிமுறைக்கு மாற்றமானது என்பதால் பெப்ருவரி 23 - ததஜ பொதுக்குழு கூடி ததஜ உறுப்பினர்களிடம் ஒப்புக்கு சப்பாக கருத்துகணிப்பு நடத்துகின்றனர்! நிலை மாற்றம் நடக்கிறது. பேசிய வீரவசனங்கள் எல்லாம் காற்றில் கரைந்து "ஆணையத்துக்கு பரிந்துரை செய்தால் அதிமுகவுக்கு ஓட்டு" என்று இவர்களே தங்களை ஏமாற்றுவதற்கு ஜெயாவுக்கு "டிப்ஸ்" கொடுத்தனர்! பெப்ருவரி 28 அன்று ததஜ கோரிக்கை மனு பரிந்துரை வேண்டி அனுப்பப்பட்டுள்ளதாக அரசின் வலைதளத்தில் வருகிறது! அதன் விபரத்தையும் அலசுவோம்..... (பார்க்க: இந்த பதிவின் இரண்டாம் கருத்து படத்தை)

 

 

 

வலைதளத்தில் உள்ள கடிதம் எதை சொல்கிறது??

முஸ்லிம்களுக்கு இடஒதுக்கீட்டை அதிகரித்து அளிக்க வேண்டி தமிழ்நாடு தௌஹீத் ஜமாஅத் தலைவரின் பெப்ருவரி 25 தேதியிட்ட கோரிக்கை முனுவும், பெப்ருவரி 26 தேதியிட்ட இந்திய தௌஹீத் ஜமாஅத் தலைவரின் மனுவும் அரசின் பிற்படுத்தப்பட்டோர் நலம் மற்றும் சிறுபான்மையினர் நலத்துறையின் (BC. MBC & MINORITIES WELFARE DEPARTMENT) ​முதன்மை செயலாளர் (PRINCIPAL SECRETARY), தமிழ்நாடு பிர்ப்படுத்தப்பட்டோர் ஆணையயத்தின் (TAMILNADU BACKWARD CLASSES COMMISSION) உறுப்பினர் செயலருக்கு (MEMBER SECRETARY) பெப்ருவரி 28 அன்று கடிதம் எண் #19 வாயிலாக பரிசீலனை (EXAMINE) செய்து பரிந்துரை வழங்குமாறு (RENDER RECOMMENDATIONS) அனுப்புகிறார், கோரிக்கையாளர்களுக்கு நகல் (COPY TO) வைத்து! இந்த "கடிதம்" தான் விஷமத்தனமாக அரசின் வலைத்தளத்தில் இடம்பெற்றுள்ளது. (பார்க்க: இந்த பதிவின் மூன்றாம் கருத்து படத்தை)

 

 

மமக க வுக்கு பரிசீலனைக்கு கிடைத்ததாக ஒப்புதல் கடிதம் கிடைத்தது ததஜ வுக்கு ஒப்புதல் கடிதம் கூட கிடைக்கவில்லை! கடிதத்தை "உத்தரவு" என நம்புகின்றனர் ததஜவினர், அல்லது அவ்வாறு நம்பவைக்கப்படுகின்றனர்!.

 

 

"அரசு ஒரு ஆணையத்துக்கு உத்தரவு போட முடியாது, கோரிக்கையை பரிசீலிக்க "வேண்டி" அனுப்பினால், ஆணையம் அந்த மனுவை பரிசீலித்து அரசுக்கு பரிந்துரை செய்யும் அதனடிப்படையில் அரசு "ஆணை" பிறப்பிக்கலாம், பிரப்பிக்காமலும் இருக்கலாம், அது பரிந்துரையை பொருத்தது! இது தான் மமக விஷயத்திலும், ததஜ விஷயத்திலும் நடந்துள்ளது! ஆனால் ததஜ உண்மைக்கு புறம்பாக "அரசு ஆணை" பிறப்பதனால் அதிமுக வுக்கு ஆதரவு என்று தங்கள் உறுப்பினர்களை நம்ப வைத்தனர்...

ஒரு ஒப்பீடு....

 

இந்த அரசியல் சறுக்கல் அடுத்தடுத்து ததஜவினரை தடுமாற வைத்தது. அதிமுக ஆதரவு என்னும் நிலைப்பாடு எடுத்ததால், ஜெயாவை பரிசுத்தமாக்க சிலர் களமிறங்கினர். இதற்குமுன் எப்போது சொல்லாதவைகளை இப்போது சொல்ல முன்வந்தனர்! கரசேவை விஷயத்தில் ஜெயாவுக்கு எதிரான குற்றசாட்டுக்கள் அவதூறுகள் என்றும், முஸ்லிம்களுக்கு இட ஒதுக்கீடு கருணாநிதி அளித்ததற்கு காரணம் ஜெயா அமைத்த ஆணையம் என்றும் தவறான வாதங்களை வைத்தும், தாங்களே வசதியாக மறந்து போயிருந்த கருணாநிதியின் இஸ்லாமிய துரோகங்களை இப்போது முன்வைத்தும் தங்கள் சந்தர்ப்பவாத அரசியலை வெளிக்காட்டினர்! பாஜகவோ, மோடியோ ஒரு பொருட்டே அல்ல, பாஜக ஆட்சிக்கு வருவதில் முஸ்லிம்கள் கவலை கொள்ள தேவை இல்லை என்று கூட சொல்லியது ததஜ தலைமை. அதிமுக ஆதரவு நிலைபாடிர்க்காக....

ஆனால், இந்நிலை நீடிக்கவில்லை, தொடர்ந்து பல தளத்திலும் எதிர்வலைகள் கிளம்பியது, முகநூல், இந்த அரசியல் சறுக்கலை எதிர்ப்பதில் பெரும்பங்காற்றியது. ததஜவின் உறுப்பினர்களில் பலரும்கூட தங்கள் அதிருப்தியை தலைமைக்கு எடுத்து சொல்லியிருக்ககூடும்....அதே வேளையில், அதுவரை மோடிக்கு எதிராகவோ, பாஜகவுக்கு எதிராகவோ பேச துணியாத திமுக தலைவர்கள் பாஜக வின் தேர்தல் அறிக்கையை தீவிரமாக எதிர்த்து பேசினர், ஆனால் ஜெயா வாய் திறக்கவில்லை. இந்த தருணத்தை பயன்படுத்தி, ததஜ நிலைபாடை மாற்றியது, அல்ஹம்துலில்லாஹ். தன தவறை திருத்திக்கொண்டது. பெரும்பாலான முஸ்லிம்கள் தங்கள் அதிமுக ஆதரவை விரும்பவில்லை என்றும் சகோதரர் பீஜே அவர்கள் நிலைப்பாடு மாற்றத்திற்கு காரணங்களில் ஒன்றாக சொன்னார் என்பதை நினைவில் கொள்ளவும்!. எப்படியோ, நிலைப்பாடு மாற்றப்பட்டு, பாஜக, அதிமுக மற்றும் மமக (!?!?!)வுக்கு எதிரான நிலைபாடை ததஜ எடுத்தது

​மமக ​விஷயத்தில் "குற்ற சம்மதம் பத்திரம்"(ததஜ வுக்கு எதிராக கூறப்படும் குற்றசாட்டுகளுக்கு வருத்தம் தெரிவிக்கும் கடிதம்) மற்றும் "அடிமை சாசனம்"(இனி ததஜ வுக்கு எதிராக எதுவும் தவறாக செய்யமாட்டோம் என்ற வாக்குறுதி!) கிடைக்காததால் ஆதரவு இல்லை என்ற நிலைபாட்டை எடுத்துள்ளனர்! அதை தாங்கள் மமகவுக்கு ஆதரவளிக்க தயாராகி தியாகம் செய்து கொள்ள இருந்தது போலவும், மமக இவர்கள் கேட்டது போன்ற கடிதங்களை அளிக்காததால் தான் ஆதரவு அளிக்கவில்லை என்றும் கூறுகின்றனர்!

இனி தேர்தலில் தெரியும் முஸ்லிம் இயக்கங்களின் தாக்கம் எவ்வாறு இருந்தது என்று....காத்திருப்போம்...நம்பிக்கையுடன்!

பிரார்த்திப்போம்....முஸ்லிம்களின் வாழ்வுக்கும், வாழ்வுரிமைக்கும் நல்வழியை அல்லாஹ் காட்டுவான் என்று!!!!